HƏMAS-ın hərbi qanadı Şəhid İzzəddin Əl-Qəssam Batalyonları bəyanat yayaraq bildirib: “Bizim mücahidlərimiz Qəzzə zolağının cənubunda, Rəfahda yerləşən Əl-Qadisiyyə məktəbinə bitişik binanın içərisində yerləşmiş bir qrup sionist qüvvələrin arasında piyada əleyhinə bombanı partlatmağa müvəffəq olublar.”
Bəyanata əsasən, bu əməliyyatda sionist rejimin bir neçə əsgəri ölüb və ya yaralanıb.
Əl-Qəssam Batalyonları həmçinin Rəfah şəhərinin qərbindəki “Təl əl-Sultan” məhəlləsində bir evin içərisində sionist rejimin başqa bir piyada qrupunu hədəfə aldıqları barədə məlumat verib.
HƏMAS-ın hərbi qanadı həmçinin Təl əl-Sultan məhəlləsində sionist rejimin “D-9” tankını da məhv edib.
İslami Cihad Hərəkatının hərbi qanadı Səraya əl-Qüds də açıqlamasında bildirib: “Xan Yunis şəhərinin şimal-şərqində Əl Qararə bölgəsində Ömər əl-Ağa məktəbinin yaxınlığına soxulan düşmənin maşın və əsgərlərinin yerləşdiyi yeri minaatanlarla hədəfə aldıq.”
Fələstinin Azadlığı Uğrunda Demokratik Cəbhənin hərbi qolu Şəhid Ömər əl-Qasim qüvvələri qrupu da bildirib: “Rəfah şəhərinin şərqindəki “Əs-Salam” məhəlləsində düşmən əsgərləri arasında piyada əleyhinə bomba partlatdıq, onlardan bir neçəsini öldürdük və yaraladıq.”
Sizin rəyiniz